素食園坊

营业中

休息中

就咁睇唔知食紧素，好似中式小菜咁跟小菜会送指定中汤，呢个素汤超甜，有好多煲到淋晒既豆，原来无肉既汤都可以咁好味！沙爹芥兰炒素牛肉 ＄63素牛肉都好惹味不过超油，唔算健康！xo 酱爆炒四季豆粉丝虾丸煲 ＄65用靓粉丝，不过煮过头，底下果d 粉丝发大晒。虾丸爽口，有少少蒟蒻既口感，又弹牙。四季豆食得出本身来货靓，又嫩又新鲜，超甜！茄子走过油，令到d色靓d, 长度衬番d 四季豆，吸埋 xo 酱，惹味！黑松露酱炒饭 ＄58够大蝶，有获气，炒到d饭粒粒分明，亦有黑松露味！店内装修平易近人，光猛整洁。以前叫 聪嫂素食 果时都间中有帮衬，今再黎食，水准依然。