滬揚川上海料理

营业中

休息中

N年前帮衬过，印象系几抵食，水准还可以，同埋人通常都唔多，唔洗等，估唔到今次黎帮衬， 水准可以跌watt得咁紧要。系点菜过程，听见唔少人都叫粗炒，睇黎应该几唔错，就要碟，其他就要左小宠包、海哲同醉鸡。醉鸡，酒明显系上枱前淋上去，揸车既真系要小心，食完吹波仔随时超标，讲返鸡，淡淡既酒味搭有既系淡淡既雪味，鸡雪到有点硬，亦唔多嫩滑，食左两旧就放弃既一碟。海哲，爽爽的，只要用上似样少少既麻油，味道唔会差得去边，这里的还可以。粗炒，面条碎碎的，而家食上海粗炒蓉咩，面食落亦系粉粉的，究竟系咩面条，平时系街市买D上海粗面自己整都唔会系咁样。平时系唔同地方食上海粗炒，酱油味应该都系重点，这里只有其色而无其味，真系唔收货。小笼包，皮粗粗的，当然唔系要好薄皮，不过真系似乎厚左D，馅几多肉汁，不过唔系太有肉味，很一般既小笼包。冻豆浆少少甜，豆香就一般，亦未算冻。整体食物水准真系below average，系唔收货的一餐。