一葉小廚 (已結業)

星期六下昼遇啱落大雨，冇咩心机出去揾食，于是嚟咗屋企附近嘅一间台式餐厅食午餐。大角咀一向食肆多，要立足都唔系易事，一叶胜在价钱唔贵而且水准平稳。就算系星期六嘅下昼都唔使等太耐位，今次叫咗两个餐，分别系煎莲藕饼同埋高雄葱香肉排，两个餐都跟免费嘅蜂蜜红茶。个人比较推荐肉排，煎得够香亦够热，亦都够松化，而莲藕饼虽然香口，但系就比较油。午市套餐可以选择肉燥饭或者菜饭，肉燥香口，送饭一流。另外侍应系百忙之中亦保持基本礼貌，系同价位嘅餐厅来讲算系少有。