樂園牛丸大王 (已結業)

平时我系去开波鞋街果间，但昨晚收工去到旺角11点几，经过旺中对面间新开既乐园谂住应该差不多就入左去啦，其实入去之前都系估估下，因为呢个世界好多人混水摸鱼，我都唔知呢间系真唔系，姑且一试........点知.............系真既!!!点解我会知系真？因为佢d河粉!佢d河粉系几特别既，第二度未试过食到呢种河粉，同埋望望下，见到"蔡澜推荐"既牌我肯定呢间就系分店.......入返正题先，点解我话水准下降! 服务态度有d离谱？咁我坐低就叫我既例牌：切腩墨丸河.......点知个侍仔问返我咩系切腩系咪讲错左？系咪牛根腩呀？我：o下？你唔知咩系切腩？侍：唔知㖞，唔识亦都未听过!我：咁你同厨房讲啦，厨房无理由唔识.......侍：我唔知佢地都应该唔识..............我：咁牛腩墨丸河，腐乳通菜啦..........(已经无野好讲)去到呢个位我发觉大镬啦，卖牛腩牛杂粉地方话我知唔知咩系切腩？算，姑且食埋先啦，点知碗面来到打风咁乱，都算，d牛腩同旧舖差得远啦，唔淋且肥膏还肥膏肉还肉，d肉系好似瘦烧肉咁(切都切到同烧肉咁样切条状)又硬........难食，墨丸呢？味系差不多但无以前咁香