水門雞飯 (豉油街)

营业中

休息中

系旺角未谂到食咩好，都系食番最稳阵既水门鸡饭。而家qr code落单好方便！平时都系食开水门鸡饭，今日见到隔离台有炸鸡饭又几靓仔，叫左双拼! 有炸鸡又有平时白切鸡既饭，白切鸡都以往一样都系有水准啦，鸡件够滑，不过炸鸡都有惊喜wo! 炸粉唔厚，上菜个时唔会皮淋晒，仲有佢比埋泰式酸辣酱，咁既配搭真系好食~ 下次都可以照叫双拼先! 之后叫左个pad thai，虾好弹牙，份量都好多，个pad thai有少少甜味，而辣度可以自己睇住落几多辣粉去决定。今次食左肉碎生菜包，肉碎既鱼露味比较重，而且有少少辣，几开胃。每次黎到都一定会叫既泰式奶茶，因为觉得系最似泰国饮到既味道，真系好好饮!