影片
更多
2023-11-05
102 浏览
水门鸡其实真系每一次经过都有种亲切感，今日同朋友又去啦。自己都几钟意佢个种- 知道自己会食啲乜嘢，但系都好期待佢哋不时嘅限定食品，总会有啲唔同嘅嘢咁。水门双拼鸡饭($56): 招牌菜就唔使多讲，如果拣呢个嘅可以一次过试晒佢哋嘅炸鸡同埋水门鸡，自己觉得佢哋今次嘅水门鸡份量比以前多咗，而且鸡肉都较厚身，同样keep到水准！菠萝烧鸡炒饭($78) : 呢个个饭仲大过本身水门鸡嘅饭，本身以为鸡会喺饭上边咁样另上，点知系融入咗菠萝炒饭入边嘅，最爱嘅肉松份量都算好慷慨，而且配料有菠萝，nuts，raisins同埋主角烧鸡。唔算太油，味道都贴近泰国地道口味。马拉盏西兰花炒鱿鱼须($68): 呢个系之前冇喺水门鸡饭度试过嘅，一上菜嘅时候好香，咸咸香香最啱我。鱿鱼须同西兰花各自分量都算多，马拉盏惹味，不过略嫌今次师傅有啲重手左，有少少过咸。胡椒单骨鸡翼($44): 呢个亦系之前冇食过嘅，虽然有个辣椒喺menu度，但系一啲都唔辣，而且胡椒味都好香，炸得好脆，送啤酒就一流。连我呢啲平时唔食鸡皮嘅，都食唔停，完全唔觉得食紧油淋淋嘅鸡皮，反而系好似炸鸡咁样。呢个值得再叫！总结：其实本身想试吓佢哋新𠮶个六星鲜蟹肉
水门双拼鸡饭($56): 招牌菜就唔使多讲，如果拣呢个嘅可以一次过试晒佢哋嘅炸鸡同埋水门鸡，自己觉得佢哋今次嘅水门鸡份量比以前多咗，而且鸡肉都较厚身，同样keep到水准！
菠萝烧鸡炒饭($78) : 呢个个饭仲大过本身水门鸡嘅饭，本身以为鸡会喺饭上边咁样另上，点知系融入咗菠萝炒饭入边嘅，最爱嘅肉松份量都算好慷慨，而且配料有菠萝，nuts，raisins同埋主角烧鸡。唔算太油，味道都贴近泰国地道口味。
马拉盏西兰花炒鱿鱼须($68): 呢个系之前冇喺水门鸡饭度试过嘅，一上菜嘅时候好香，咸咸香香最啱我。鱿鱼须同西兰花各自分量都算多，马拉盏惹味，不过略嫌今次师傅有啲重手左，有少少过咸。
胡椒单骨鸡翼($44): 呢个亦系之前冇食过嘅，虽然有个辣椒喺menu度，但系一啲都唔辣，而且胡椒味都好香，炸得好脆，送啤酒就一流。连我呢啲平时唔食鸡皮嘅，都食唔停，完全唔觉得食紧油淋淋嘅鸡皮，反而系好似炸鸡咁样。呢个值得再叫！
总结：其实本身想试吓佢哋新𠮶个六星鲜蟹肉炒饭，但系又惊份量会过多，唔想食咁多淀粉质。但系真系好吸引，而且今次都比我试咗胡椒蛋骨鸡翼，下次如果再嚟一定会再嗌。
张贴
