Yamm

营业中

休息中

去左Yamm食Dinner Buffet，贵唔系一个大问题，但唔好食就系一个好大嘅问题。面包我冇乜点食到，因为想留肚食其他嘢。刺身甜虾都系要落order先有，但质素连板前都不如，因为唔新鲜。原来唔系净系我咁样觉得，隔篱枱有位女士直情向侍应生投诉ｄ嘢唔新鲜。全晚最失望系生蚝，虽然系即开，但个size竟然好细，而且d肉非常薄，食唔出咩味，仲要排好耐队先有，因为个师傅开唔切。海鲜拼盆已经系全晚比较正常嘅食物。继刚才左边果位女士投诉完之后，竟然轮到右边果张枱又有人投诉唔好食，其实我地中间呢枱都好想投诉呢，不过要投诉嘅嘢都俾佢地投诉哂。我睇Openrice前一排嘅食评应该有主菜可以选择，但而家竟然冇左，所以觉得更加唔抵，永世blacklist呢间酒店嘅自助餐。就算将来佢改善左都唔会再去，因为佢已经带俾我一个好坏嘅回忆。