影片
更多
2019-01-29
387 浏览
今日同同事本来满心欢喜去试下新野，去到门口，净系一句充满乡音嘅几位啊迎面而来。好啦，坐低大约五分钟都无餐牌俾我睇，原来两层野好似得几份餐牌咁，之后要用平板点餐，原来连部野都得几部。心谂，唔系下化，成两层野得几部野？部野终于到我手，一睇，我即刻_声，点解连个介面都系用人民币符号？唔讲以为我岩岩过完关去食火锅。话说我地三个人俾人叫坐六人位，之后有个职员问我地边个带位，话要闹佢，我心谂问我做咩？关我咩事？咁打边炉最紧要紧系个汤底啦，我地就叫左个蕃茄加辣啦，个辣汤底系乜味都无啊！之后叫佢加辣，点知系俾一碗唔辣嘅辣辣油俾我。重点黎啦，佢地啲职员系会疯狂加汤，系疯狂问都唔问，一野加落去。我地就试过前一分钟加完，又想再加，点打边炉啊大佬，你都唔俾佢滚。咁啲野贵都算啦，个份量真系少到你唔信，二百几三百蚊一份嘅牛，得十几片都算啦，当你牛贵啦。叫份菜都要俾得个一棵完整都唔知有无。可能系我无食过贵野啦。份量我就觉得真系少左啲。到野饮，我叫青柠梳打，俾杯雪碧我，我觉得真系一杯雪碧，连青柠都无。我咁大个仔都未试过打边炉打到自己都著火，仲热过个炉。唔讲咁多啦，自己谂啦！
好啦，坐低大约五分钟都无餐牌俾我睇，原来两层野好似得几份餐牌咁，之后要用平板点餐，原来连部野都得几部。心谂，唔系下化，成两层野得几部野？
部野终于到我手，一睇，我即刻_声，点解连个介面都系用人民币符号？唔讲以为我岩岩过完关去食火锅。
话说我地三个人俾人叫坐六人位，之后有个职员问我地边个带位，话要闹佢，我心谂问我做咩？关我咩事？
咁打边炉最紧要紧系个汤底啦，我地就叫左个蕃茄加辣啦，个辣汤底系乜味都无啊！之后叫佢加辣，点知系俾一碗唔辣嘅辣辣油俾我。重点黎啦，佢地啲职员系会疯狂加汤，系疯狂问都唔问，一野加落去。我地就试过前一分钟加完，又想再加，点打边炉啊大佬，你都唔俾佢滚。
咁啲野贵都算啦，个份量真系少到你唔信，二百几三百蚊一份嘅牛，得十几片都算啦，当你牛贵啦。叫份菜都要俾得个一棵完整都唔知有无。可能系我无食过贵野啦。份量我就觉得真系少左啲。
到野饮，我叫青柠梳打，俾杯雪碧我，我觉得真系一杯雪碧，连青柠都无。
我咁大个仔都未试过打边炉打到自己都著火，仲热过个炉。
唔讲咁多啦，自己谂啦！
张贴