影片
更多
2023-01-06
291 浏览
预左有得玩Boardgame既cafe食物系好一般，只求有个地方朋友聚埋填饱个肚玩下笑下。事实系真系差到极致，唔明点解咁多好评，究竟打手何其多？基本资料：8人出席第一差，食物！有点套餐，亦有点单点食物，点餐详情及评价如下：🤮🤮D2 自家制芝士鸡柳长通粉 （$108）- 长通粉冇问题，不过不失，但个芝士鸡柳系臭既！系臭嫁！🤢🤮大佬点搞啊，唔好食都算，要去到比难食仲差既情况，食物本身系坏左，点搞啊？！我地向餐厅反映番，餐厅话要唔要换，我地就话换D6。到今朝再计返啲数，发现所谓既换跟本就唔系换，只系当我地冇要到D2（事实系我本人食左两条通粉加一小块系口腔咬完系臭既随之吐左出黎，然后即就向餐厅反映，成碟交番出去），重新落多个D6，最后收我地D6既价钱。D5 牛肝菌杂菌鸡柳长通粉 （$128）- 正常普通，虽然唔值哩个价，但我计埋提供环境俾人玩，一人套餐价人地都要保本兼赚钱既。 D6 黑松露杂菌炒椰菜花碎 （$138）- 可以讲系最正常，所有食物入面最唔出事既一款食物。因此，系D2臭既情况下，餐厅问要唔要换，我地就话换哩个。🤢🤢D7 金沙虾咸蛋意粉 （$138）- 哩个差评指系臭既奇怪既痛4人，
基本资料：8人出席
第一差，食物！
有点套餐，亦有点单点食物，点餐详情及评价如下：
🤮🤮D2 自家制芝士鸡柳长通粉 （$108）- 长通粉冇问题，不过不失，但个芝士鸡柳系臭既！系臭嫁！🤢🤮大佬点搞啊，唔好食都算，要去到比难食仲差既情况，食物本身系坏左，点搞啊？！我地向餐厅反映番，餐厅话要唔要换，我地就话换D6。到今朝再计返啲数，发现所谓既换跟本就唔系换，只系当我地冇要到D2（事实系我本人食左两条通粉加一小块系口腔咬完系臭既随之吐左出黎，然后即就向餐厅反映，成碟交番出去），重新落多个D6，最后收我地D6既价钱。
D5 牛肝菌杂菌鸡柳长通粉 （$128）- 正常普通，虽然唔值哩个价，但我计埋提供环境俾人玩，一人套餐价人地都要保本兼赚钱既。
D6 黑松露杂菌炒椰菜花碎 （$138）- 可以讲系最正常，所有食物入面最唔出事既一款食物。因此，系D2臭既情况下，餐厅问要唔要换，我地就话换哩个。
🤢🤢D7 金沙虾咸蛋意粉 （$138）- 哩个差评指系臭既奇怪既痛4人，唔系坏果只臭，只系因人而异认为既臭，但其余4人系指有蛋味有咸蛋味，唔系臭，但依然奇怪。大家可以谂下究竟系几奇怪先会8人再次同步意见，而睇番介绍哩个意粉系招牌菜，十万个为什么！
D9 香辣海虾玫瑰奶油长通粉 （$148）- 正正常常，不过不失。
D10 特浓龙虾汁海鲜意粉 （$148）- D6之后第二个最正常既，8人一致认为冇出事既。
🤯🤬H4 牛肝菌杂菌芝心安格斯牛肉汉堡配薯条 （$88）- 最后先上台既食物，由落单到上台应该超过30分钟至1个钟，系好热既，但原来咁热既背后系，成块牛肉系㶶既，妈啊！㶶黑既情况绝对系冇可能出餐，但餐厅竟然照出，俾我地发现左要退，然后餐厅话汉堡可退，但配菜薯条已被我地食用，所以要收番薯条钱，我问佢要收几多，职员出去商量完话收$35，当刻我听到系$15，即刻话冇问题，但原来系我同另一人听错，唔系$15，系$35！配菜都要收番$35，即成个单点既40%，大家又可以谂下合唔唔理。
S7 黑松露薯条（$66）- 一般，真系一般，可以拣，宁愿食麦记薯条🍟。
跟餐热柠檬蜂蜜x6 （跟餐配$40饮品）
单点热柠檬蜂蜜（$40）
单点茉莉花茶（$65）
第二差，环境！
一眼睇落去，的确如其他人分享既环境相一样，系咁美观既，几雅致。但！有烟味，由7:30坐到11:00，逗留左系餐厅最左手边既角落独立房，成身烟臭味，衫、头发劲臭，究竟我地吸左几多二手、三手烟！大家又可以谂下间cafe又发生话咩事。
第三，职员唔诚实！
D2换D6，哩个系换咩？毫无诚意！
主食汉堡出事要退，竟然要收番配菜钱，完全见唔到有想改善既心。由照旧几㶶到黑漆漆既汉堡上台果刻，就预左搏客人唔会发现，完全系欺骗手段！
最后，食物摆盘真系呃晒所有人，似系将心机放晒系整靓个食物。肉眼可见既好评既相的确几好，正如餐厅既大环境，但金玉其外，败絮其中！如果0分系最低分，我地8人一致觉得系负数！
最后既最后，有一半以上既人系当晚已经肚痛疴左，有朋友甚至第二日疴左两三转。
🤯🤬H4 牛肝菌杂菌芝心安格斯牛肉汉堡配薯条
$88
15 浏览
0 赞好
0 留言
🤮🤮D2 自家制芝士鸡柳长通粉
$108
9 浏览
0 赞好
0 留言
张贴
