影片
更多
2014-08-01
398 浏览
芒果所做嘅甜品真喺层出不穷，只要你有创意，凡事都可以，就以本地姜许留山为例，卖芒果产品多年，都可以讲历久不衰；而年初来港嘅台湾过江龙MangoChaCha，一样以芒果为单一卖点，照样越做越有。芒果真喺可塑性强，早前，晌免费报纸睇到美心又出新蛋糕「果汁乳酪蛋糕」：芒果 x 热情果，已非常感兴趣 ，正打算周日买个返去试试，就刚啱收到公关送赠嘅换领券，多谢之余，又为小弟悭到一餐饭钱 。讲开芒果系列，其实美心都有唔少出品：最收欢迎嘅芒果脆脆、满满芒果肉嘅香芒盛放，仲有香芒花园、香芒忌廉卷、芒果挞、芒果芝士蛋糕，以及跟栗子组合嘅香芒栗子蛋糕、芒果栗子脆脆，又有曾期间限定新出品嘅香芒开心果脆脆………等等 。今期个「果汁乳酪蛋糕」（$108）晌蛋糕上唔喺有乜花巧嘢，反而，重点喺晌个随蛋糕附送嘅热情芒果汁上。打开蛋糕盒，芒果乳酪蛋糕造型简单，只喺以3片芒果肉及几粒蓝莓做装饰。自从美心推出mini蛋糕，觉得佢几成功，几受欢迎，因为细细个3、4人份量，适合几个朋友食饭用嚟庆生日。依次个「果汁乳酪蛋糕」系列，除热情芒果口味，仲有另一款杂莓味。究竟点全新食法？睇睇随蛋糕嘅单张，看图索骥好易明，其实唔睇你
讲开芒果系列，其实美心都有唔少出品：最收欢迎嘅芒果脆脆、满满芒果肉嘅香芒盛放，仲有香芒花园、香芒忌廉卷、芒果挞、芒果芝士蛋糕，以及跟栗子组合嘅香芒栗子蛋糕、芒果栗子脆脆，又有曾期间限定新出品嘅香芒开心果脆脆………等等 。
今期个「果汁乳酪蛋糕」（$108）晌蛋糕上唔喺有乜花巧嘢，反而，重点喺晌个随蛋糕附送嘅热情芒果汁上。
打开蛋糕盒，芒果乳酪蛋糕造型简单，只喺以3片芒果肉及几粒蓝莓做装饰。自从美心推出mini蛋糕，觉得佢几成功，几受欢迎，因为细细个3、4人份量，适合几个朋友食饭用嚟庆生日。
依次个「果汁乳酪蛋糕」系列，除热情芒果口味，仲有另一款杂莓味。究竟点全新食法？睇睇随蛋糕嘅单张，看图索骥好易明，其实唔睇你大概都估到，先将热情芒果汁淋上蛋糕面，拆走围边胶条，等果汁徐徐泻下，切开就食得 。
蛋糕主体以海绵蛋糕夹芒果乳酪慕丝组合而成，一层叠一层，慕丝内又夹有芒果果肉。海绵蛋糕做得松软，始终大集团倒模式制作，水准相对平稳；而芒果乳酪慕丝加入「乳酪」元素，比单用忌廉做嘅慕丝轻盈一啲 ，但柔滑度无乜点走样，依然绵绵幼滑，此外芒果味亦较为清怡 。淋上热情芒果汁后，由于果汁味道颇为浓郁，所以，感觉有啲不一样，加添一份酸爽清新嘅感觉，因为个汁偏向热情果味重。顺带一提，向店员询问过，杂莓味嘅蛋糕只喺乳酪慕丝，所以，个蛋糕外观好雪白，而杂莓嘅味道主要嚟自蛋糕内嘅果肉及个杂莓汁。
由于两款新出品都带有爽朗嘅酸甜感，故此，不失为踢走夏日闷热嘅甜品 。其实蛋糕加果汁，小弟又唔喺觉得极之新奇，因为有时晌啲中高档餐厅食甜品，都会伴啲酱汁，尤其好似台式多士盒，淋到五颜六色，不过，我都称得上喺个果汁迷，始终个蛋糕加埋啲香浓果汁，又的确会好食啲 。
张贴
