味皇茶餐廳 (已結業)

我好肯定如果唔系贪方便，我无可能会拣呢间茶餐厅！（虽然我知呢啲质素既周街都系）😁因家住晓丽苑，而当中只有两间茶餐厅可供选择，呢间已经系比较good 既一间。以前妈妈要返工无时间煮饭，连夜晚果餐都会帮衬，而家prefer 食住家饭。虽然食物种类都算繁多（冬天重会有一人边炉同羊腩煲），味道亦不过不失！不过呢个早餐会唔会求其左d d?纵然叫既野全部有齐响呢只碟度，但系好似每一样野都各顾各地排开，完全无heart ❤️! 鱼柳细得可怜兼炸左一段时间，查实太阳旦同餐肉俾多块都不为过丫！又是但加左丁点粟米粒同半生熟椰菜（等你感觉良好d) 当下觉得颓废既早餐、其实念深一层，出面动辄成百蚊既all day breakfast ，大堆头样样有d ,看似物有所值，不过呢个包埋野饮先三十蚊既早餐，又似乎尽晒佢既义务同责任！