Operetta (已結業)

不嬲都唔熟PP，呢个商场似乎冇咩食咁，除非去附近酒店。求其撞入一间谂住快快趣食个饭就走，见呢间门口望入去几好feel就试下啦。个铺分两边，近门口系高枱for饮野，里面先系大枱for食饭。百几蚊一个意粉/pizza都唔意外，唔系特别贵。餐包暖暖地，油油地...叫左个Caesar，同佢讲share佢会同我分两碟上，又几贴心。生菜都爽脆嘅，鸡肉普通啦，但点解佢会落左啲鱼干.... 无端端有啲咸鱼喺度唔知想点。呢个pizza上碟𠮶下我都有啲愕然，虽然系我点嘅😓卖相都几唔吸引下，食落个味都ok嘅，个cheese味道好出，茄子菠菜都系我钟意嘅食材，但个批底吸哂油食食下系有啲滞。呢个咁嘅cabonara又系吓亲我，啲意粉咁粗咁似油面嘅？？啲意粉未煮透，中间硬硬地，上面啲洋葱唔知佢点整，但望落同食落都好有乸埋一嚿嘅胶纸嘅感觉....个汁又稀，所以食落冇乜味。$160系绝对不能接受。加多两杯啤酒埋单$660，食物质素都几令人失望，环境同服务都唔错，有机会再嚟都系饮野算咯。