影片
更多
2007-04-26
22 浏览
31-12-2006 1751难得屋企人肯出街兼去到咁鬼远，最后某的原因完成唔到部份路段，纵管如此，仍打不断食晚饭的兴致，地点都系我话事，先走中式海鲜，咁只系剩番西餐\。好多食店好坏参半，揾的未去过，试完自己觉得唔好味唔紧要，其他人就无谓，除非好似我咁喜欢试。这类人越来越难揾，但有个好处系钟意去边就去边，例如随时为碗甜品及咖喱老远入东涌及大澳，你话我系唔系傻架，东大街或电车路已经有啦！在这里及其他blog 揾左好耐，先至最后选择这间，原因在已执的湾仔食过兼睇番近期食评，差极有限，地点适中，唔驶系巿中心再转车。未够六点已经坐定定，人客得我同另一台。经过一轮选择后，就点了5道菜。第1味菜是细Nachos (墨西哥粟米薄脆)，配牛油果芝士酱，唔会食食下就淋，表面上有少少辣椒粉，唔够仲有一碗少少辣既茄酱，当然可以唔捞埋一齐食，平时连少辣都受唔起既妈妈都食左唔少，这味绝对是开胃不可缺少既dishes.第2味菜是凯撒沙律，加15蚊有烧鸡或三文鱼，我地要了烧三文鱼，配合大粒炸面包粒，直情系美式意大利餐\的特点：大份，味道也不错，屋企人喜欢食菜，在不怕生的情况下扫清。跟住上的主菜便是店内其中一款较出名
难得屋企人肯出街兼去到咁鬼远，最后某的原因完成唔到部份路段，纵管如此，仍打不断食晚饭的兴致，地点都系我话事，先走中式海鲜，咁只系剩番西餐\。好多食店好坏参半，揾的未去过，试完自己觉得唔好味唔紧要，其他人就无谓，除非好似我咁喜欢试。这类人越来越难揾，但有个好处系钟意去边就去边，例如随时为碗甜品及咖喱老远入东涌及大澳，你话我系唔系傻架，东大街或电车路已经有啦！
在这里及其他blog 揾左好耐，先至最后选择这间，原因在已执的湾仔食过兼睇番近期食评，差极有限，地点适中，唔驶系巿中心再转车。未够六点已经坐定定，人客得我同另一台。经过一轮选择后，就点了5道菜。
第1味菜是细Nachos (墨西哥粟米薄脆)，配牛油果芝士酱，唔会食食下就淋，表面上有少少辣椒粉，唔够仲有一碗少少辣既茄酱，当然可以唔捞埋一齐食，平时连少辣都受唔起既妈妈都食左唔少，这味绝对是开胃不可缺少既dishes.
第2味菜是凯撒沙律，加15蚊有烧鸡或三文鱼，我地要了烧三文鱼，配合大粒炸面包粒，直情系美式意大利餐\的特点：大份，味道也不错，屋企人喜欢食菜，在不怕生的情况下扫清。
跟住上的主菜便是店内其中一款较出名的: Dinosaur Ribs (秘制酱汁烧排骨)，还有粗薯条及蔬菜伴著，有少少甜，肉质偏瘦，稍为干身，但可以接受，始终真系好食要有番咁上下肥，食到呢个时候差不多有八成满，几乎每一台都点，包括情侣，佢\地当然食剩啦！
没有五谷\类食品始终埋唔到尾，尤其全家都系饭桶。我地就要了另一款呢度出晒名既新奥尔良精选薄饼(New Orleans), 里面有香草鸡柳、菠萝、烤薯、磨菰配甜酸酱及酸忌廉，加上传统的薄批，酸忌廉及其他材料所带出的惹味是其他薄饼都食唔到。
最后一味便是农场蔬菜茄汁意粉，以为系清淡，点知原来系辣，大家都唔到英文的形容为“Garden Fresh Vegetables with Spicy Tomato Sauce”，失策失策，所以有时呢的名真系最好睇睇英文，得个名都唔知食乜就唔好啦。
埋单每位唔驶百一蚊，最紧要老妈子少有唔投诉唔好食及唔值咁既价钱，面色绝对正常，可能上两个礼拜先投诉完叫左个成几百蚊既鳄鱼汤=.=”。
张贴
