Mimila (已結業)

沙田餐厅话多唔多，话少唔少，今次去左新城市到食马来西亚野，喺沙田区黎讲叫好食，喺香港黎讲就一般好食，不过点都要支持下嘅！（1）白灼时菜，$32蚊，店员好好，帮我地汁另上。（2）秘制香炆牛肋饭，$88。嚟到呢间餐厅，又唔想食辣、喇沙嘅话，诚意推荐呢一个饭，味道偏甜，唔油肉肉质好软，白萝卜都好入味。（3）新加坡八胡椒肉骨茶，$78。我汤都几龙，食之前记得搅一搅啊，因为啲胡椒喺晒底，啲猪手猪肉，有啲食，如果有得拣瘦肉嘅话就更加好。另外因为呢个肉骨茶本身无配饭，所以要另上饭，份量其实都几多，所以可以两个人食。（4）喇沙捞面配手撕鸡，$88。觉得咁多野食里面，呢个最好味，可能我个人比较钟意重口味，佢有一啲肉松调味，既甜又咸香。唯一嘅缺点就系佢好油腻。（5）喇沙虾汤配手撕鸡，$108。个虾汤好香，overall系好食嘅，但只多有啲冻，呢到扣少少分。人均$120蚊，整体都okay ，会畀7.5/10。