魚川居 (已搬遷) 新店位置

去开观塘买野，顺便系附近食晏，今次试咗间好多人推荐既鱼川居。主打川菜，招牌酸菜鱼备受好评，一于约埋个friend一齐试下先～LUNCH SET都几抵食，选择又多。酸菜猪扒配白饭汤头咸香开胃，酸酸辣辣，好过瘾，猪扒肉质松软又JUICY，唔会又干又柴。午餐可以加配小食，拣咗手撕鸡同油菜。手撕鸡仲可以任拣口味，包括葱油、沙姜、口水、醉汁、鱼川酱、麻酸辣、泡椒等等。最后拣咗沙姜手撕鸡，手撕鸡无骨啖啖肉够哂方便，肉质鲜嫩又弹牙，加埋香浓沙姜，正！效外油菜系生菜，都几新鲜翠绿～紫贝天葵同青柠柚子都系自家制，爽甜清新好解渴。走既时候见到晚市外卖自取酸菜鱼/水煮鱼有56折，好抵啊，下次试下先！