影片
更多
2021-10-19
474 浏览
呢间小店唔太起眼，只有8个座位，而且个店名又似香港人名。如果唔系喺附近做嘢嘅朋友极力推介，我应该唔会入去试。第一次去到，我请店员推介，当日气温34度，店员推介我食肉丸烤腩肉捞檬。肉丸同烤腩肉都系浸喺暖嘅捞檬汁入面，但食落口竟然仲脆㗎！肉丸系免治肉丸，好好味，烤腩肉好香口，唔油腻，正！😋 个捞檬有好多蔬菜丝丶薄荷叶丶九层塔丶花生丶炸蒜片，食落好清新又有层次，呢度嘅檬粉比一般幼，整体味道同我之前喺河内出差嘅味道一样！店员问我啱唔啱食，我话好好食同埋同我喺河内食嘅味道一样，店员话佢哋都系河内人，用番河内嘅煮法。唔怪之得个味咁亲切啦！由于𠮶日好热，店员见我成身汗，就推介我饮咸柠檬梳打，果然好解渴👍🏻店员叫我下次试吓汤檬。不过因为我太钟意个肉丸烤腩肉捞檬，所以第二次去都系叫番一样嘅嘢。第三次去喺下午茶时段，下午茶餐无肉丸烤腩肉捞檬。我问店员有冇其他推介，佢话炒猪肉汤檬好食。讲真卖相麻麻，但原来好好味，猪肉炒得好香，个汤超香甜，幼檬热食原来仲正🤤 我食食吓不知不觉饮咗好多汤，出奇地之后完全无觉得口渴。呢次我饮咗香茅青柠梳打，劲足料，好饮！见到隔离枱个越南女仔叫咗杯smoothie，好似好正，等我下
第一次去到，我请店员推介，当日气温34度，店员推介我食肉丸烤腩肉捞檬。
肉丸烤腩肉捞檬
29 浏览
0 赞好
0 留言
肉丸同烤腩肉都系浸喺暖嘅捞檬汁入面，但食落口竟然仲脆㗎！肉丸系免治肉丸，好好味，烤腩肉好香口，唔油腻，正！😋 个捞檬有好多蔬菜丝丶薄荷叶丶九层塔丶花生丶炸蒜片，食落好清新又有层次，呢度嘅檬粉比一般幼，整体味道同我之前喺河内出差嘅味道一样！店员问我啱唔啱食，我话好好食同埋同我喺河内食嘅味道一样，店员话佢哋都系河内人，用番河内嘅煮法。唔怪之得个味咁亲切啦！由于𠮶日好热，店员见我成身汗，就推介我饮咸柠檬梳打，果然好解渴👍🏻
店员叫我下次试吓汤檬。不过因为我太钟意个肉丸烤腩肉捞檬，所以第二次去都系叫番一样嘅嘢。
第三次去喺下午茶时段，下午茶餐无肉丸烤腩肉捞檬。我问店员有冇其他推介，佢话炒猪肉汤檬好食。讲真卖相麻麻，但原来好好味，猪肉炒得好香，个汤超香甜，幼檬热食原来仲正🤤 我食食吓不知不觉饮咗好多汤，出奇地之后完全无觉得口渴。呢次我饮咗香茅青柠梳打，劲足料，好饮！
炒猪肉汤檬
37 浏览
0 赞好
0 留言
见到隔离枱个越南女仔叫咗杯smoothie，好似好正，等我下次又试吓先！
张贴
