好叉好味 (禧利街)

营业中

休息中

继早前店员俾错餐，同埋个未如理想，今日俾多次机会佢，试多一次！今次同样系OpenRice 落单自取外卖，都系落番上次食唔到既辛麻叉烧菜饭，不过今次有专登落备注向店员确定唔好再俾错口味做柚香叉烧菜饭。一如既往，个饭面有只煎得好靓既太阳蛋，太阳蛋依旧煎得刚好！值得一赞！之后揭开个蛋终于系辣椒籽，唔系柚子！太好了，佢地有睇到个备注！😭😭好啦，试下个主角 - 辛麻叉烧。今日叉烧冇再咁柴，相比之前个柚香叉烧juicy番好多，软身好多，只少咬落唔会牙痛同咬得开！辛麻口味比柚香叉烧真系成件事夹好多！但系唯一败笔既地方系当食到底既时候，成个底有一大堆辣油，底层既饭油到如汤饭一样，好夸张😣 成个辛麻叉烧菜饭，整体而言合格，但同一般烧味无乜分别，都系绰头野。味道一般，只有辛冇麻，应该叫做辛辣叉烧而唔系辛麻叉烧？😅 总结两次购买，同埋睇番呢间餐厅既所有食评，多人推荐既柚香叉烧同辛麻叉烧都系唔好食，冇食评中咁好食😅 个人而言，都只系绰头野多于好食嘅烧味饭。