影片
更多
2022-02-02
828 浏览
近排多咗好多两𩠌饭嘅舖头，呢间权发小厨日日都超级多人排队买饭，平日去到五点几已经排长龙到打蛇饼，真心冇夸张，见着佢啲小炒一盘一盘咁拎出嚟，咁多人买应该好新鲜！问咗店员每日最多人叫嘅系生炒骨，黑醋骨，仲有椒盐虾！(识问一定要问佢哋🤭想买嘅话记得去入边收银处买飞先，再排队叫𩠌啊！两𩠌饭$35，三𩠌饭$45，净𩠌$45一盒，可以拣两个𩠌！🍴招牌生炒骨 (7/10)等咗15分钟先有嘅生炒骨，生炒骨炸咗，每旧都包满酸甜酱，调味几好食，但好似炸得太干，肉质就一般，招牌嚟讲有啲失望😂🍴⭐️黑醋骨 (8.5/10)冇谂过呢个几好食，酸酸甜甜，调味啱啱好，排骨肉质几好，个肉都弹牙，真心觉得呢个最好食！🍴⭐️川式回锅肉 (8/10)虽然冻咗，回锅肉同埋椰菜炒得好香辣，超级好送饭！🍴炸鲮鱼球 (6/10)冻咗已经唔脆，鲮鱼球真材实料，口感比较实心，偏硬咗少少，有纯鲮鱼肉嘅感觉，但有啲鞋口，一般般😂🍴椒盐虾 (3/10)虽然有好多只虾，但虾肉系冻虾，啲肉好梅，调味系正常嘅😂推荐指数: 7.5/10$45嘅价钱，𩠌菜都塞到好满，比起一般茶餐厅小炒好食同抵食，起码有两个𩠌可以拣，小炒都好有镬气，建议大家叫炒嘅肉类比较
想买嘅话记得去入边收银处买飞先，再排队叫𩠌啊！两𩠌饭$35，三𩠌饭$45，净𩠌$45一盒，可以拣两个𩠌！
🍴招牌生炒骨 (7/10)
等咗15分钟先有嘅生炒骨，生炒骨炸咗，每旧都包满酸甜酱，调味几好食，但好似炸得太干，肉质就一般，招牌嚟讲有啲失望😂
🍴⭐️黑醋骨 (8.5/10)
冇谂过呢个几好食，酸酸甜甜，调味啱啱好，排骨肉质几好，个肉都弹牙，真心觉得呢个最好食！
🍴⭐️川式回锅肉 (8/10)
虽然冻咗，回锅肉同埋椰菜炒得好香辣，超级好送饭！
🍴炸鲮鱼球 (6/10)
冻咗已经唔脆，鲮鱼球真材实料，口感比较实心，偏硬咗少少，有纯鲮鱼肉嘅感觉，但有啲鞋口，一般般😂
🍴椒盐虾 (3/10)
虽然有好多只虾，但虾肉系冻虾，啲肉好梅，调味系正常嘅😂
推荐指数: 7.5/10
$45嘅价钱，𩠌菜都塞到好满，比起一般茶餐厅小炒好食同抵食，起码有两个𩠌可以拣，小炒都好有镬气，建议大家叫炒嘅肉类比较好食，炸嘢都一般般，呢个价钱冇得要求太高，都食得过，买返屋企加𩠌都可以！
见到如果系两𩠌饭嘅话份量都好多，一盒饭可以两个人食咁就真心好抵食嘅🤭
张贴
