明星海鮮酒家 (已結業)

边个话年青人一定中意食日本菜，西餐庆祝生日?是日友人生日，特登黎到油麻地明星酒家食小菜庆祝,贪佢又平又好食又有招呼!我地一行5人叫一只片皮鸭，一只片皮鸭加埋一只系$100左右，皮烧得香脆,肉质又唔会太过鞋口。我地5个人都差D食唔哂一只鸭。另外乳鸽亦非常抵食，质素算中上，但只系需要＄２２只！亦冇话现实同照片不符。只只都ＫＥＥＰ住大大只！呢个价钱仲可以有咩要求？另外蒜蓉粉丝蒸扇贝８只＄１３６，虽然壳同肉分离，估计系冰鲜元贝。蒜蓉足料，粉丝吸左蒜既味道，又香又入味，送饭一流！话明生日，当然要条清蒸沙巴仔贺贺佢啦！沙巴仔唔系大鱼，份量ＦＯＲ５个人差Ｄ有点勉强。但肉质算滑，而且新鲜。＄１００有找既价钱实在非常合理。