權發小廚

营业中

休息中

又系我两𩠌饭试食专员出场喇😆今次想同大家介绍返位于弥敦道513号嘅权发（油麻地站C出口往太子方向步行约3分钟）。价钱嚟讲一定唔系最抵食，但以性价比计就唔错，因为佢有🐟有🦐，甚至连炒蚬都有，真系四十几蚊都可以食到个海鲜餐😋𩠌菜款式亦非常多，就算连炒蛋都用蚝仔炒，可见同其他两𩠌饭比真系特别好多。我今晚拣咗糖醋骨同埋就试吓佢个蚝仔炒蛋。味道方面，先讲糖醋骨，甜酸味合宜，酱汁收得刚好挂上骨头，绝对系呢度三大首选之一（另外两样我会拣炒蚬同埋豉汁蒸🐟）。至于蚝仔炒蛋，蛋炒得唔太实，有汁得嚟又唔太散，唔太咸，但唔好在蚝仔有少少腥味同食到少少蛋壳。我自己就另加5蚊配咗个例汤，今晚系菜干猪骨汤，几下火，天气凉凉地饮，正！价钱方面，36蚊两𩠌饭，45蚊三𩠌饭，冷热饮品或汤另加5蚊。呢期另外仲有羊腩饭同羊腩煲，钟意食羊嘅朋友，不妨试吓再报名食评俾大家知吧。