和宴

营业中

休息中

今日份嘅满足系日式定食畀嘅‼️呢间嘅午餐定食真系好唔错，我同同事都一致认为呢间有最抵食嘅套餐，餐牌有好多选择，睇到我哋眼花撩乱😍和牛温泉蛋丼定食我拣嘅系有和牛横膈膜、海胆、三文鱼籽嘅定食，端上枱就觉得好吸引～套餐入面荤素都有，非常营养均衡👍🏼 仲有海带汤同小菜，仲可以拣要咖啡或者茶，好抵食！和牛横膈膜满满咁铺喺饭上面，粉红色泽嘅肉质睇住就好高质！肥瘦相间食落去好嫩，完全唔使点酱料已经好好味🤤 海胆同三文鱼籽都好新鲜，新鲜嘅海胆食落有住雪糕嘅口感，加上会喺口入面爆发嘅三文鱼籽，鲜甜美味！🤤温泉蛋嘅加入更令呢碗丼饭升华，全部捞匀再食口感更加滑溜！韩式石锅拌饭定食同事叫嘅系韩式嘅石锅拌饭，满满一大碗超足料！牛肉借住石锅嘅温度，搅拌后基本上已经系五成熟，加上温泉蛋同多种蔬菜一齐搅拌均匀，呢个就系韩国嘅味道！🤩 每啖饭都食到牛肉，牛肉嘅鲜香同拌饭嘅丰富口感完美结合，仲有饭粒粒分明仲带住热气，食到我哋停唔到口！😭