麺屋武蔵虎洞 (青衣城) (已結業)

今晚收工同爸爸出街食，呢期疫情稳定返少少，所以可以出街食下饭，唔洗爸爸日煮夜煮咁辛苦。餐厅都会帮食客量体温，提供搓手液等等，卫生方面完全冇问题。睇下餐牌食咩好，我地一人点一款面。我点了沾汁面，沾汁面有白、赤、黑既沾汁汤底，我点选了黑。黑色沾汁汤底好香浓，好惹味，汤跟面料分开上，自己因应份量把面条放到沾汁汤中，面条比一般拉面较粗及更有口感、弹性。而且面条中间有条小坑，令汤汁更易挂到面条上，吃起来更为惹味。沾汁面呢款配上叉烧，薄薄的，但豚肉味好香浓，咬起来有口感，滋味。爸爸点了蕃茄豚骨汤拉面，呢款拉面面身较幼滑，口感不同。另外汤底是鲜甜惹味既蕃茄汤，入面仲有好多蕃茄同薯仔，十分惹味。配料又多，好抵食。呢款既豚肉又唔同的，口感会实少少，呈条条既豚肉。小食方面点了两款，一款是饺子，饺子煎得皮薄馅靓，入面好juicy，一咬会爆汁，好正。不算煎到好脆，但味道好好，皮又不易穿不会把汁流失，我最爱中间超多汁，超香。另一款小食是明太子玉子卷。玉子卷厚厚的，啖啖玉子好滋味。上面有明太子点缀。味道带点惹味，跟玉子本身的甜味好夹。饮品我们点了两罐汽水，爽。