一生懸麵 (荃灣千色匯I) (已結業)

朋友揾餐厅真好，更好嘅系揾到一间好味嘅餐厅。唔揾唔知，原来系旺角排晒长龙嘅一生悬面喺荃湾开咗分店。餐牌选择唔多，但系拉面同沾面两只都挣扎咗一阵。沾面系特别啲嘅，但系之前食过香港其他沾面好咸，令我对沾面嘅印象一般。最后都系心思思食咗个辛辣沾面，好似比较特别。面质爽口弹牙，粗幼适中，可以挂汤。主角沾面汤系淡淡辛辣，唔会太刺激。调味刚刚好，唔会太浓味到口渴。配料仲有竹笋、葱同糖心蛋。葱吸咗辛辣汤底更惹味。拉面唔少得叉烧，有两片半肥瘦叉烧，肥嘅部份甘香。叉烧厚度十足，有半只手指嘅厚度。总体而言，今次我对沾面重新有好感。