Marble (已結業)

环境5分：高级酒店餐厅楼面高，好有贵气，Ｄ灯光好romantic，吧位格局非常开扬同阔落，睇住每个厨师分工合作，非常悦目，满分。卫生5分：酒店四周围都有搓手液，开放厨房一目了然，好干净企理，啲水全部系樽装新开，卫生一样畀满分。服务5分： 服务员同师傅都好friendly，厨师非常整洁同有条理，服务员加水加酒都冇停手，中途都问咗几次对食物满唔意同够唔够饱，都系满分。味道5分：1)      头盘系松叶蟹肉，海胆，鱼子酱同一块炸过嘅紫苏叶，三样贵价食材同一时间放入口中，真系无比鲜甜同新鲜，呢类头盘真系食多多都唔够。2)      刺身有两款，甘目鲷好软身，象拔蚌非常爽甜。3)      日本墨鱼切到非常细一片片，当然非常多片，然后捞埋个酱汁，第一次咁样食，非常惊喜同好食。4)      烧鳗鱼非常嫩滑，没有骨，加埋个鳗鱼汁，闻落去非常香。5)      宫崎牛三文治两片烘到非常香口嘅面包，中间夹住非常厚身嘅和牛，和牛煮到啱啱好，用手食，大啖大啖咬落去，肉汁非常juicy，真系一分钱一分货。6)      两片薄烧嘅尾崎和牛煮到啱啱好，几秒时间就足够，加埋只日本温泉蛋配埋碗白饭仔，非常别致同