阿茶茶。館 (已結業)

星期天趁著系屋企无野做，就决定同家姐两个人系元朗叹个好味brunch。见好多人推介阿茶茶馆，于是就不假思索咁黎左。lunch款式有8款，我拣左french crepe。分别有两只味：一只咸（烟三文鱼菠菜）一只甜既（朱古力蜜桃）。跟餐有一杯饮品，但系偏偏crepe呢个set就唔会有餐汤。我拣左一杯earl grey tea, 味道一般，茶味比较淡。等左一阵就上左其中一份crepe，烟三文鱼菠菜crepe。有少少意外既系，本来以为系两只唔同口味既系同一块crepe上面，点知原来系各一块，分类都几多。呢个咸crepe味道不错，个crepe都几香脆，带点蜜糖既甜味。而且菠菜好似混合左忌廉，所以食落味道都几丰富，同烟三文鱼配合得几好。不过旁边既沙律菜就一般般，感觉沙律菜未算新鲜。食完咸既之后就上左呢个朱古力蜜桃crepe。始终个人比较中意甜食，所以呢个crepe更合我胃口。蜜桃份量虽然不算多，但好彩食落都唔寡，而且可幸朱古力酱放埋另一边，可以自己决定点几多黎食。整体黎讲食物质素都ok，价钱都合理。不过餐厅环境就麻麻，比较逼，cafe黎讲唔系好chill。