立体派拉麵 (威靈頓街)

营业中

休息中

中环立体派隐于巷中，行过都未必会留意到，不过就好多人讨论。店内是木系的元素，餐牌不时有新款的拉面，今期就有每日限10碗既凉风红楚蟹高汤盐冷面。凉风红楚蟹高汤盐冷面冷面上有一个大泡泡，一触即破，然后会闻到柑橘香，冇谂过食面都可以咁好玩，几有谂头。冷面汤底用上日本鸟取县的时令红楚蟹熬制，配埋以笹川流藻盐及濑户内粗盐调配的花蛤盐酱汁，蟹的咸鲜味出晒嚟。而家日日都咁热，呢个冷面绝对透心凉。配菜仲有兰王赤心蛋，烧北海道帆立贝，北海道十胜豚肉，长芋蓉和醋渍洋葱，好丰富。其中长芋蓉配冷面就会变成沾面般的食法，一面两食。九味酱油汤面3cm厚切慢煮叉烧就好似东坡肉一样咁吸引，肥肉瘦肉，一层一层，入口即溶。配合九种特级日本酱油制成的浓郁汤底。章鱼小丸子估唔到呢度虽然食拉面，但会见到章鱼小丸子，木鱼碎加上丰富的酱汁，又几好食。香炸鸡软骨饺子口感脆卜卜，沾上沙律酱，更令人开胃。佢哋仲有多款特色饮品。