阿叔泰麵 (西菁街) (已結業)

话说琴日同朋友行街嘅时候，见到有间商舖好似木屋嘅设计，睇真啲原来系一间面档，所以肚饿嘅我睇下有乜嘢食，见到系泰式餐厅，见好耐冇食过泰国嘢，同埋入面都坐得好满，应该都唔差，所以就入去试下。入去见到成间铺头都有好多好有趣嘅卡通，望真啲原来系唔同嘅卡通人物喺度煮面同食面，天花板就见到有好多泰式嘅设计同埋舖头会播住泰国嘅音乐所以自己都去咗泰国咁样。见佢餐牌上面都有好多泰国嘅啤酒，不过我自己唔识饮酒，所以就无缘饮用了......我同朋友分别嗌咗一碗牛肉船面配金边粉同猪肉船面配蛋面，饮品就叫咗一杯玫瑰荔枝梳打。饮品好快就会上枱，虽然略嫌饮品比较细杯，可以大杯啲就更好，不过饮品都好浓味而且荔枝亦都十分之大粒，亦都好够冻所以都收货！跟住就系主菜，朋友觉得佢嘅猪肉肉味好重，而且肉丸都好弹牙爽口，佢最钟意就系食啲炸猪皮，觉得非常之脆，配埋汤咬落去就好配合。而我就觉得我嘅牛肉船面嘅牛肉分量好足，有四大旧牛腩，而且每嚿都好淋唔会太肥，我食嘅时候都有跟佢哋枱上面嘅指示，加一啲白醋同埋鱼露落去，果然个汤真系好饮咗好多，可以做到提鲜，最后我竟然将成碗汤饮晒。我同朋友都觉得佢哋啲面好爽口，而且都可以吸到啲汤，见到隔离