影片
更多
2015-09-02
357 浏览
一讲起九龙城，第一时间谂起泰国嘢！但由于泰国餐厅太多，其实一下子都唔知拣边间好⋯途经九龙城南角道见到有间餐厅特别多人等位㖞!！多人等位实冇伏啦！结果连店名都未望真，好啦！就等呢一间！想当随心～等咗10分钟左右，有位入得！非常好～安排座位𠮶个男人唔知系咪老细呢，相当nice,笑容满面，未食都已经加分啦。店内其实不算大，但坐满客人！场上都贴满食物嘅相片，未睇餐牌之前，其实都可以睇住相先～餐牌到手先知原来呢间叫「泰仔美食」，哈哈，通常用泰妹多，泰仔真系第一次见！乜泰仔唔系打开泰拳嘅咩？识煮嘢食？^^两丁友一定食唔到多嘢，唯有精拣啲啦。一定要食生虾啦，每次必叫！香叶肉碎饭、柚子沙律、三味乌头，加多杯芒果沙冰就够喇！首先嚟到嘅系生虾！哗，一碟有六只，而且只只都好肥美！用生虾沾沾泰式辣酱再食，哗～好新鲜，肉质仲好弹添！加上辣酱嘅刺激，好味！柚子沙律，睇得出师傅好细心，将柚子剥皮，再一分3至4件上，唔会散到一粒粒，件上口感更丰富，啖啖肉嘅滋味好实在。已焯熟嘅虾肉去壳都几大只，仲有一片片炸香嘅红葱头片，口感好得意，甜甜地，几好味㖞！酱汁酸酸甜甜，唔辣嘅。香叶肉碎饭要咗牛肉，呢个炒饭相当正宗，同去泰国食
一讲起九龙城，第一时间谂起泰国嘢！但由于泰国餐厅太多，其实一下子都唔知拣边间好⋯途经九龙城南角道见到有间餐厅特别多人等位㖞!！多人等位实冇伏啦！结果连店名都未望真，好啦！就等呢一间！想当随心～
等咗10分钟左右，有位入得！非常好～安排座位𠮶个男人唔知系咪老细呢，相当nice,笑容满面，未食都已经加分啦。
店内其实不算大，但坐满客人！场上都贴满食物嘅相片，未睇餐牌之前，其实都可以睇住相先～
餐牌到手先知原来呢间叫「泰仔美食」，哈哈，通常用泰妹多，泰仔真系第一次见！乜泰仔唔系打开泰拳嘅咩？识煮嘢食？^^
两丁友一定食唔到多嘢，唯有精拣啲啦。一定要食生虾啦，每次必叫！香叶肉碎饭、柚子沙律、三味乌头，加多杯芒果沙冰就够喇！
首先嚟到嘅系生虾！哗，一碟有六只，而且只只都好肥美！
用生虾沾沾泰式辣酱再食，哗～好新鲜，肉质仲好弹添！加上辣酱嘅刺激，好味！
柚子沙律，睇得出师傅好细心，将柚子剥皮，再一分3至4件上，唔会散到一粒粒，件上口感更丰富，啖啖肉嘅滋味好实在。已焯熟嘅虾肉去壳都几大只，仲有一片片炸香嘅红葱头片，口感好得意，甜甜地，几好味㖞！酱汁酸酸甜甜，唔辣嘅。
香叶肉碎饭要咗牛肉，呢个炒饭相当正宗，同去泰国食嘅系一样！一样咁香一样咁辣呀!
三味乌头，其实原本想要三味鲗鱼⋯但朋友担心鲗鱼多骨⋯唯有拣冇乜骨嘅乌头啦。三味？其实系咪代表甜、酸、辣三味？因为我系食到呢三种味！仲有鲜味！乌头肉质新鲜，三味酱汁好开胃，三味夹得啱啱好，唔会话边个抢边个风头，加上三色椒嘅颜色，令整体上卖相更吸引！回味呀～
芒果沙冰解辣一流，芒果味香，仲好甜！饮上口仲有一点点好细嘅冰粒沙仔⋯不过如果啲冰再磨碎啲就好，我比较钟意再smooth啲～
唔错唔错，下次嚟九龙城可以再嚟拉泰仔开餐，餐牌上仲有好多款我未试过，可以再食！难得揾到间有诚意嘅泰国嘢，可以加入我的最爱之一喇！
张贴
