船皇 (謝斐道) (已結業)

船皇汤面（$52），啱哂贪心鬼嘅我，咩都有一件。牛腩（好味，有牛味，够淋）、牛肉片（即系肥牛，味道普通）、牛肉丸（弹牙有牛味，不错）、鸡丝（冇咩味，十分普通）、鸡翼（卤得几入味）、猪肉（普通）、猪肉丸（同样弹牙，但味道一般）、猪润（正常）；另外汤底好好味，甜甜哋，牛味浓但唔肥腻；面底可拣蛋面/米粉/金边粉/河粉，本来想要河粉但卖哂，要咗金边粉，味道正常。牛腩+牛肉片+牛肉丸汤面（$46），件数会多啲，每样都有3-4件。个人建议食呢款性价比高啲。跟餐配餐饮 or 小食，但加$8就可以both有齐。炸猪皮，都好多件，虽然唔系旧旧都脆卜卜，但浸汤食都OK嘅。泰式炸虾卷，即炸，味道正常（唔记得影相）。