篤篤車 (已搬遷) 新店位置

港式车仔面就食得多，但配合冬荫功汤同新颖嘅泰式鳄鱼汤底，都系第一次，带俾味觉新冲击。套餐够晒抵食，62蚊包3𩠌面、小食（大）同菜，饮品另外加几蚊，好丰盛嘅一餐！我朋友点了冬荫功汤底，味道带少少酸，好多香菜喺面。食车仔面配料最重要系吸汤，或者本身够味，呢度必点金钱肚、豆卜同冬菇。（当晚猪肠同萝白卖哂，否则必点！）金钱肚被卤水入晒味，味道偏甜。除咗惹味汤底，仲有妈咪嘅中汤系列—鳄鱼肉汤底，加入红枣呀杞子，食落好补好有胶质嘅味道。建议唔好加辣，否则把清甜嘅味道盖过。话个餐包埋有营蔬菜，配搭都几特别，叫咗马拉盏芥兰，芥兰好juicy带埋啲咸香都几惹味。