影片
更多
2024-08-27
208 浏览
泰好记今次要介绍喺旺角一间泰国菜餐厅叫「泰好记」，餐厅名真系太好记，好唔好食，性价比高唔高，真系永远记得「太好记」！呢间泰国菜餐厅门口有一级，轮椅人士要入去食嘅话，就要自备斜板，成功入到餐厅唔代表入到座位，因为门口要直角L形入去，我部轮椅都系啱啱好入到去，解决咗门口要直角L形入去就通通无障碍，店员就带我去最方便轮椅嘅位置坐，佢哋系用QR code落单，午市套餐真系好抵食，最平$58起，仲可以加$12拣一款小食，拣特饮都只系加$8（椰青及啤酒除外），真系平到笑！1.黄咖哩牛肋粒饭$62+青柠沙冰$8+炸虾饼$12（8.5/10）呢个黄咖哩系有少少甜辣辣地，牛肋粒大约有10旧，不过每旧牛肋粒都有少少韧，其他配料有薯仔同洋葱，咖哩汁捞饭一流！饮品就加咗$8叫咗一杯特饮：青柠沙冰，呢杯酸酸哋嘅青柠沙冰饮落酸到好醒神，好解渴又解辣！小食就加咗$12叫咗炸虾饼，原来一碟炸虾饼系有一大旧炸虾饼，佢哋已经剪开四小旧比客人方便食，炸虾饼炸得好脆，入面虾胶胀卜卜，虾胶落得好足，好好味！2.醉迈牛腩金边粉$62+芒果沙冰$8+泰式凤爪$12（8/10）醉迈牛腩金边粉个牛腩有5大旧，每一旧都比较瘦，有少少韧，
今次要介绍喺旺角一间泰国菜餐厅叫「泰好记」，餐厅名真系太好记，好唔好食，性价比高唔高，真系永远记得「太好记」！
呢间泰国菜餐厅门口有一级，轮椅人士要入去食嘅话，就要自备斜板，成功入到餐厅唔代表入到座位，因为门口要直角L形入去，我部轮椅都系啱啱好入到去，解决咗门口要直角L形入去就通通无障碍，店员就带我去最方便轮椅嘅位置坐，佢哋系用QR code落单，午市套餐真系好抵食，最平$58起，仲可以加$12拣一款小食，拣特饮都只系加$8（椰青及啤酒除外），真系平到笑！
1.黄咖哩牛肋粒饭$62+青柠沙冰$8+炸虾饼$12（8.5/10）
呢个黄咖哩系有少少甜辣辣地，牛肋粒大约有10旧，不过每旧牛肋粒都有少少韧，其他配料有薯仔同洋葱，咖哩汁捞饭一流！
饮品就加咗$8叫咗一杯特饮：青柠沙冰，呢杯酸酸哋嘅青柠沙冰饮落酸到好醒神，好解渴又解辣！
小食就加咗$12叫咗炸虾饼，原来一碟炸虾饼系有一大旧炸虾饼，佢哋已经剪开四小旧比客人方便食，炸虾饼炸得好脆，入面虾胶胀卜卜，虾胶落得好足，好好味！
2.醉迈牛腩金边粉$62+芒果沙冰$8+泰式凤爪$12（8/10）
醉迈牛腩金边粉个牛腩有5大旧，每一旧都比较瘦，有少少韧，金边粉好滑，仲有两旧好甜冇渣嘅萝卜，不过汤底唔够浓，整体差少少！
饮品就加咗$8叫咗一杯特饮：芒果沙冰，呢杯芒果沙冰芒果味好浓，夏天消暑一流！
小食就加咗$12叫咗泰式凤爪，呢碟泰式凤爪虽然好细碟，但份量都唔少，大约都有十只凤爪，每只凤爪都好够辣，酸味就较少，咬落又够爽脆，好好食！
3.串烧猪肉鸡肉一串$12（9/10）
原来唔系叫一个午市套餐只能叫一次$12小食，再叫串烧猪肉鸡肉各一吋，可能挂住影相关系，已经摊冻哂，有少少干！
4.鸡中翼两只$12（9.5/10）
再叫多一碟鸡中翼两只，初初上枱时，以为四只鸡翼，原来佢哋系展开半只半只一齐炸，鸡翼外面炸得好香脆，好好食！
5.冬阴功汤$75（9/10）
你往冬阴功汤份量劲多，绝对唔止二人份量，四人一齐饮都得，酸酸辣辣好开胃，冬阴功汤入面配料都有劲多，包括有好多秀珍菇、大约五只虾仁同蕃茄仔等！
6.串烧三拼（猪牛鸡）六串$108（8.5/10）
再叫多一碟串烧三拼，但原来可以两拼各三串，拣咗牛肉同鸡肉，牛肉好味少少，鸡肉比较干少少！
**食完先记得同食物一齐大合照🤦😅**
2人总共价钱$371
个人口味总评分：8.75/10
地址：旺角通菜街75-77号地舖
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#泰好记 #旺角 #旺角好去处 #旺角美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
