泰濃麵 (蘭芳道) (已結業)

呢间泰式食肆位于铜锣湾横街小巷，位置唔太显眼，朋友推介下先第一次黎食。呢到装修干净简朴，坐位间够寛敞，环境舒适。店内最吸睛系门口格Tuk Tuk 车摆设，见到就即刻想去泰国行一转。餐厅食物款式唔算多，不过就有香港泰国餐厅较为少见既船面。今次就试咗个卜卜蚬冬阴功汤面。面份量好多，海鲜都非常足料。卜卜蚬有6大只，仲有虾，味道鲜甜，一粒沙都食唔到。冬阴功汤底同海鲜好夹，啲菇菇都入哂味，好食。汤底唔辣，食完个面，仲可以饮哂成个汤。小食拼盘有齐哂我最爱既小食，有虾饼，鸡翼同炸云吞。虾饼真材实料，食到有虾肉，好弹牙。炸芝士云吞，皮薄够脆，芝士份量恰度好。泰式炸腩仔，呢个平时出街好少食，因为好担心腩肉肥腻，不过呢个炸腩仔完全冇油腻感，食落好干身，外皮爽口，本身腩肉有啲香料味，再点埋个泰式酱就非常好食。