Grill ขุนทอง (和安里)

营业中

休息中

好耐之前都食过呢间串烧，咁啱约既朋友系中环返工而佢又想食下串烧，就拣咗呢间系兰桂芳出面既呢间餐厅。之前嚟食都系经过企系门口食，其实都系朋友话我知原来有得坐先至拣呢间。平日八点几嚟到，唔算太多人，对老兰嚟讲呢个时间实在太早喇。我地两个人都好肚饿，好快就拣咗好多唔同嘢食。因为好肚饿，所以一定要嚟个饿肚啲既野食先，就叫咗呢个泰式串烧配炒饭及杂菜，$68一个晚饭嚟讲系中环其实都算几平，如果下次一个人嚟呢头都可以拣呢个食，仲有啲菜，食咁多肉可以balance返。对我唔太辣得既人嚟讲，啲饭都有啲辣，但都算几惹味！肉汁都好多！叫咗好多唔同既串烧，鸡牛猪、白猪肉肠，猪颈肉，泰式鱼饼，自己最钟意就系个泰式鱼饼，食落去真系好有泰国既味道，咬落去又好烟韧！我地仲叫咗个猪颈肉沙律，呢个食落去真系辣，如果食辣既朋友就要留意返。再叫咗两杯嘢饮，一杯Mojito同Apple Cider，价钱系餐厅嚟讲都唔贵，一杯分别系$45同$25。