焰淑泰國餐廳 (已結業)

登龙街一向都出名食拉面，但系食泰国嘢都系第一次。见到餐厅都系新装修应该啱啱先开业。餐厅有得散嗌嘢食或者拣套餐。因为我同朋友𠮶日都劲肚饿所以就拣咗佢依个啤酒串烧放题嘅套餐，佢除咗串烧同埋啤酒系任饮之外其实仲有个头盘同埋主菜。头盘系一个泰式生虾刺身，食落去虾嘅口感系好爽口加埋辣辣地嘅味道都认真几开胃。跟住就系主菜，我哋就叫咗一份纽西兰羊架，虽然份量唔算多但系味道较好，样嘅肉质好滑同埋好入味。跟住就轮到主菜串烧啦，其实串烧嘅种类都分左咗好多种，有鸡肉、牛肉、猪肉嘅串烧，另外仲有鸡翼同埋一啲海鲜，海鲜有生蚝、青口。我哋每一样都有时到少少，我个人最钟意就系猪肉全消因为佢嘅味道够入味而且口感好弹牙所以都好好食，而鸡肉同埋牛肉嘅串烧味道都唔错水准几好。然后我哋都叫咗几次烧海鲜，我哋最钟意嘅就系烧生蚝， 生蚝嘅味道好新鲜而且非常肥美，我哋叫完第一次之后都忍唔住要encore多次食完几次串烧同埋烧海鲜之后我哋都食到好饱另外一边食住串烧同埋饮啤酒真系好正，餐厅仲提供左日本asahi同埋泰国象啤俾我哋试饮，我发现原来泰国嘅啤酒都几好饮㖞