Orange Elephant Thai Restaurant (利奧坊) (已結業)

orange elephant thai有好几间分店，之前我哋喺大角咀旧舖博文街都食过好几次，原来最近搬咗新址，位于利奥坊，新铺维持园林式嘅装修，感觉好热带👍🏻优惠继续维持🙌🏻每星期日日不同的$1菜色，星期一系明炉烧乌头，大大条鱼令人食指大动，汤头甘甜酸酸地，真系越食越开胃！泰式拼盘～选择困难症嘅我哋选择咗呢款拼盘，唔使谂就集齐四款泰国特色小食，有炸鱼饼、炸虾饼香叶包鸡和泰式春卷，即叫即整，款款上到枱都系好香脆，够晒热辣辣，特爱炸虾饼，入口香口弹牙，外面𠮶层面包糠脆卜卜😍炸鱼饼都好惹味，高质！椰青焗海鲜饭原个椰青嘅焗饭好少见，海鲜类丰富，有虾、蟹柳、青口、鱿鱼，非常大碟，食嘅时候要小心啲，因为份量太大争啲整跌啲饭😁，内里椰肉拌饭一起吃，充满椰香，好有特色！