焰淑泰國餐廳 (已結業)

系时代广场行完街就揾左呢间泰菜试下，因为系平日夜晚所以都唔系好多人。系店员推介下我地拣左$288串烧放题。前菜系生虾刺身，酱汁系酸辣既仲有少少蒜，虾肉好爽口同酱汁好夹。主菜选择左安格斯牛扒，生熟程度适中，肉仲系粉粉地色，食落有啲咬口，唔使点酱都够味。串烧方面觉得最好味既肉类系牛肉，鸡肉同猪肉冇乜味同埋烧得干左，反而海鲜相当唔错，青口好好味，大只又juicy，连蒜蓉食好香。蚝都几好味，同蒜蓉好夹。前菜同主菜都好味，反而串烧质素普通，海鲜就有惊喜。如果下次黎会想试下其他𩠌。价钱方面觉得定价太高，难去吸引人拣呢个餐。