翟道翟棉棉冰 (已結業)

果日晏昼做完嘢就出旺角，旺中宜家多咗好多嘢食，有小葵广之前，做完成日嘢，梗系揾下有咩食慰劳下自己，上边真系好多嘢食，好多元化。见到哩间翟道翟棉棉冰即刻心心眼！之前成日见啲frd话泰国啲冰好食，一直都好想试，宜家眼前有一间，唔系唔食啊下?😍挣扎咗好耐，究竟食芒果糯米饭定芒果糯米饭棉棉冰好，老板话芒果最多人食，咁就拣芒果！首先最上层有一层好浓嘅椰奶喺芒果上边，芒果好鲜甜，而啲冰食落感觉好特别，好有口感，质感系介乎刨冰同棉花冰中间，原来系啲冰加入咗椰奶，跟住下一层就系糯米饭，冻冰冰食落无咁滞，最底层系雪糕筒碎，我开头无望就咁食，好白痴以为系饭焦！😂 老板话最底层唔一定系雪糕筒碎，间中会换下其他配料，第一次食泰式冰，真系几好味，唔知泰国系味会更好味呢?😋仲有叫咗一杯士多啤梨梳打，卖相好靓，有士多啤梨肉，仲加咗少少柠檬汁，味道淡淡的，有微微酸味，如果多返少少甜会好饮啲。