小曼谷泰國美食站

营业中

休息中

上一次去泰国已经系半年前，暂时未有计划只好留喺香港回味，今晚去铜锣湾嘅小曼谷泰国美食站食饭，因为呢度夜市风格，好好气氛，有好多海鲜食，即点即烧，新鲜热辣，烧得好好手势。因为烧海鲜需要时间，冬阴功汤先到，原只虎虾一共有两只，好新鲜㖞！肉质好甜，好有弹性，连埋汤汁一齐食，真系好鲜味，个汤热辣辣用个炉仔烘住，汤系热饮最好饮，复复杂杂、酸酸甜甜嘅味道，但又唔系太强烈，刚刚好。点咗两款烧海鲜，烧脆皮白鳝有2串，个皮烧到脆卜卜，肉质有弹性，点少少酸汁食，正呀！盐烧马友鱼一条，皮系唔食嘅因为好咸，里面啲肉就吸收咗盐味，好肥美好嫩，生熟啱啱好。最后食芒果糯米饭，超值，有泰国水准。