四面泰泰式火鍋

营业中

休息中

近排听朋友讲，启德有一间劲好食嘅泰国打边炉店，于是今日收工就特登过嚟食，一入嚟已经俾个装修经验度，感觉真系打卡餐厅，装修环境劲靓，不过最令我惊喜嘅，就系店员同我哋讲呢度嘅泰式虾片系无限添加嘅，对于我呢个咁钟意食虾片嘅人嚟讲，真系好兴奋，加埋呢度嘅虾片全部都系脆卜卜，劲好食。睇咗餐牌一阵，都觉得所有嘢都好似好想食，问店员有咩推介，佢就话呢度通常啲人都一定会叫佢哋个王牌宝藏海鲜手工金盒，因为可以配鸳鸯锅。我同朋友谂咗一阵之后，决定要一个辣一个唔辣，所以最终要咗慢炖牛板腱清汤锅拼冬虾荫功锅。我朋友直程当汤咁样饮咗个冬阴功汤底，但我自己就比较钟意个清汤锅，因为觉得佢够鲜甜。不过呢间餐厅真系要表扬一下，加汤底嘅时候真系加汤，唔系净系加热水。沙爹牛肉串好肥美，牛肉嘅口感亦都好好，感觉就好似真系去咗泰国街头食小食咁。食到最后都想食返啲肉，所以就叫咗个美国特色肥牛。呢度一份肉嘅份量都唔细，都几抵食。本来已经好饱，但系店员推介我哋叫招牌椰皇冻。好彩有听话，因为真系太好食，好重椰汁味，吸睛又好食。最后都要讲埋，呢度嘅饮品其实都劲靓，感觉真系去咗泰国度假咁样。