人和月雞煲火鍋店 (已結業)

之前听朋友介绍尖沙咀有间性价比几高的火锅放题，听到佢咁讲真系搞到我呢个火锅控立即心心眼，我呢啲行动派架立即约朋友去试下系米真系朋友所讲咁正啦。所以今日放工就约朋友到尖沙咀海防道”人和月鸡煲火锅店” 去试系米好似朋友眼中讲得咁好，我地就选左果”椰青香芧香柠烤鱼、汤底好有泰式Feel，通常食烤鱼煮法多数都系四川麻辣味道，但冇谂到泰式汤底配上烤鱼都好夹。而我地今次就选左{$298 - Set A – 精选牛肉食到饱}，牛肉类都几多有牛下肩、牛板键、牛胸爽、金钱展及雪花肥牛等，而食完烤鱼可以换汤底打边炉，咁我地就选左麻辣汤，火锅类种类都几多。丸类及菜类等都系自助式比你自己夹。甜品方面除左有雪糕外，重有棉花糖机、凉粉及有我最爱的芋圆，虽然打边炉已经好饱，当我一见到有芋圆都引唔住要食返碗。