泰象館茶餐廳

营业中

休息中

#泰象馆茶餐厅九龙城满街满巷都系泰国餐厅，老公想食港式碟头饭，而我又钟意泰式咖哩，要两全其美，我哋拣咗呢间泰菜馆嘅茶餐厅版！泰式装修，餐牌上有泰式嘢食，亦提供港式食物。豆腐火腩饭($48)系男人嘅浪漫！老公叫咗呢个午市套餐，再追加$5，饮清凉有劲嘅泰式青柠梳打。切件烧腩肉都几多，肥瘦适中，又饭又杂菜，抵食又饱肚。今日嘅午餐推介里面，有泰式黄咖喱饭($45)，可以配牛、鱼、鸡。黄咖喱浓稠度适中，带些少椰香，味道唔辣，加埋切件薯仔一齐捞饭食，好正！午餐包热饮一杯，原本以为可以饮到泰式奶茶，点知系港式，略嫌有啲美中不足⋯地址：九龙城衙前围道34号地下