篤篤車 (已結業)

赶时间，要快食个晚餐，行经见到呢间车仔面好特别，所以入去试一试。一般车仔面见开𠮶啲𩠌，佢都有，只系汤底有啲唔同，额外加咗啲泰式小食。我同朋友都要咗个超值套餐，咁啱佢咳，叫个唔辣鳄鱼汤啱晒；而我就梗系要试吓个冬阴功汤啦。佢嘅汤好得意，都会加啲菇落去。想特别讲吓佢啲小食，我哋分别叫咗网纹春卷、香甜蔗虾同吉列炸虾饼。即叫即整，所以够热够脆；仲有泰式凤爪，味道唔输比一般嘅泰国餐厅，反而价钱就好亲民。$81仲可以连埋碟菜，马拉盏芥兰惹味，腐乳生菜呢个配搭原来都好好味，返屋企都可以试吓。饮埋杯汽水，饱晒。