Cambo ขุนทอง (The ONE)

营业中

休息中

好耐无食呢间泰菜，好味又性价比高，今期推出左青咖哩软壳蟹，起初都怕浸到唔脆，点知见人地上菜时，系分开上，即入去食。不过都几多人，要排一阵，我地大约等15分钟就可以入座。炸虾饼 $68有四块，即点即炸好够热辣辣。外皮炸得酥脆香口，虾饼很厚身食落啖啖肉，十分弹牙多肉汁，沾酸甜酱更滋味。主角泰式青咖哩软壳蟹 配法包 $96，几乎每枱都点呢个青咖哩，一来新品，二来用火热住可慢慢食都唔怕变冻。青咖哩香中带微微辣，食出有香料味但唔太重，加了椰奶味道比较温和易接受，配法包/饭都超正。贴心安排的另上软壳蟹。法包份量都算多，切成4份烘得又脆又够热。软壳蟹炸的松脆，同时更能吸咖哩汁，蟹肉饱满，味道好好。法包亦系沾咖哩汁会食唔停口，很香很惹味。另外我地点多入印式薄饼 $25，只有一块份量较少。虽然都系配咖哩食，而且味道口感更夹，但薄饼再酥香再油润更好。泰式炒椰菜苗 $66，非常有泰菜风味，辣度刚好有镬气，椰菜苗好爽口，份量多性价比高。香芒糯米饭 $55，亦系抵食又好味，芒果超大又甜又多汁，仲有果香。椰浆糯米饭好香软绵糯，紫米较有咬口更烟韧。两款我都喜欢，配芒果亦很美味。