影片
更多
2021-03-20
555 浏览
最近见大窝口附近新开咗间泰式餐厅🇹🇭，我嗑就率先帮大家试下有无伏先。当日因为时间嘅关系，去到已经系下午茶时间，我地就叫咗两个下午茶餐。下午茶餐同普通茶餐厅一样，都系14:30开始🕝，直到18:00完结🕕。.泰式菠萝海鲜炒饭 $45 (下午茶餐)好耐无食过泰国菜，首先就选定咗泰国菜必点哪菠萝炒饭。好彩唔系用原只菠萝上碟，如果唔系就会一直食，一直谂个菠萝系咪循环再用嘅呢... 虽然系下午茶餐，但份量大概系一碗半饭碗🍚左右，skip咗午餐食都好够饱。价钱先$45，所以材料难免都系将货就价，都系急冻虾仁🦐、鱿鱼🦑、蛋丝🥚同炸蟹柳，味道都唔错嘅，对得起价钱。.泰式猪颈肉干炒河 $45 (下午茶餐)除咗菠萝炒饭，另外就叫咗个猪颈肉干炒河，河粉选用粗河粉，估唔到炒得几香几有镬气，面头嘅花生碎更增添几分香气。入面有几条菜心同猪颈肉，腌得都几入味，有泰式风味。依个比菠萝炒饭更加正😋。.另外想一提佢地嘅服务态度都相当唔错，睇落舖面都系后生仔主理，个个都几有礼貌，又会提醒我地两个餐都系即叫即炒，可能要等一等。味道都几好，虽然未必有非常地道嘅泰式风味，但以依个价钱嚟讲都算系超晒班，仲要有镬气添
.
泰式菠萝海鲜炒饭 $45 (下午茶餐)
好耐无食过泰国菜，首先就选定咗泰国菜必点哪菠萝炒饭。好彩唔系用原只菠萝上碟，如果唔系就会一直食，一直谂个菠萝系咪循环再用嘅呢... 虽然系下午茶餐，但份量大概系一碗半饭碗🍚左右，skip咗午餐食都好够饱。价钱先$45，所以材料难免都系将货就价，都系急冻虾仁🦐、鱿鱼🦑、蛋丝🥚同炸蟹柳，味道都唔错嘅，对得起价钱。
.
泰式猪颈肉干炒河 $45 (下午茶餐)
除咗菠萝炒饭，另外就叫咗个猪颈肉干炒河，河粉选用粗河粉，估唔到炒得几香几有镬气，面头嘅花生碎更增添几分香气。入面有几条菜心同猪颈肉，腌得都几入味，有泰式风味。依个比菠萝炒饭更加正😋。
.
另外想一提佢地嘅服务态度都相当唔错，睇落舖面都系后生仔主理，个个都几有礼貌，又会提醒我地两个餐都系即叫即炒，可能要等一等。味道都几好，虽然未必有非常地道嘅泰式风味，但以依个价钱嚟讲都算系超晒班，仲要有镬气添。所以千析唔好睇小一间普通嘅茶餐厅，所谓高手在民间，有时候低调小店都会寻到宝㗎！
.
Follow us on instagram - Foodastics
张贴
