昭拍耶

营业中

休息中

九龙城有太多泰国餐厅，但同屋企人黎一定会食呢间.干净企理，价钱又唔贵，小店家族式经营。最好假日都有set lunch ,唔使散叫。4个人，两个午餐再散叫d主菜。冬阴功汤，香叶同配料都好足，个人比较喜欢呢度既汤。唔会太酸，又唔会太辣。加埋d菇同蕃茄仔，刚刚好。明炉乌头条鱼好大条下，仲啖啖肉，最贴心既系佢帮你介好晒，可以一片一片鱼肉起出黎，又唔会整到d鱼似散晒。汤稍为酸左d，但食落好开胃，加埋少少肉碎，可以饮多两啖。猪手饭。焖得好淋好入味。同系其他店食既唔同，唔会太甜。猪皮好烟韧，d肉充满卤汁，送饭一流。另外仲叫左蚝仔蛋同柚子沙律。唔知系咪转左师傅，蚝仔蛋湿左d，同埋无咩蛋味，但蚝仔大粒得黎都新鲜既。柚子沙律就明显地落多左鱼露，好咸，虽然酸味可盖过，但可以再改善。