Foodhall by Moon Thai

营业中

休息中

今日放假同朋友嚟开宏利广场附近，下午茶时间饿饿地，醒起有间好阔落嘅餐厅，今次嚟到，发现转左泰国菜式，环境休闲舒适，听住泰文歌，叹下泰美食，感受泰风情。点左煎薄饼，煎得够香酥，薄饼食落烟烟韧韧，配埋泰式奶茶，一流！奶茶好香，唔会太甜，入口滑溜。配上热辣辣烤起， 简单又好味，两者好夹！牛肉汉堡红咖哩蛋黄酱配焗薯，汉堡fusion泰式咖喱酱，第一次食，味道又几特别同夹，食落比起美式汉堡更刺激味蕾。汉堡patty够嫩同juicy，又充满牛味，牛脂香味唔会比咖喱酱掩盖，两者平衡得岩岩好。而且patty份量都唔少，加埋红椰菜丝，新鲜番茄同生菜，好食！焗薯唔系周围有得食，配搭上面嘅酸忌廉食，零舍开胃滋味，成个餐满满嘅碳水化合物，太令人满足。呢个船面汤底都同出面餐厅嘅几唔同，食落甜甜地又特别香，觉得似卤水汤底再加船面汤底咁，汤面吸晒呢个汤汁，好好味，仲有好多嘅脆炸猪皮同猪肉，咬落脆卜卜，猪肉又会香，真系无得弹！