影片
更多
2021-08-02
675 浏览
去完书展出返铜锣湾都成九点，我哋嗱嗱临揾嘢食，好彩兰芳道有餐厅仲未截单，佢就系「泰浓面」。餐厅门面几光鲜，入口位仲放咗架笃笃添🛺！店员好友善，有礼貌，无嫌我哋阻收工。时间都唔早，餐厅剩返唔系好多枱客，我哋获安排坐喺卡位，座位非常阔落，再加上冷气充足，整体环境令人舒服👍️。店内嘅装修亦有花上心思，地砖花纹好靓，墙壁就挂满食物相片。呢度主打泰菜🇹🇭，但集中卖汤面、饭同小食，如果想食炒金边粉或串烧等菜式，就要稍移玉步。食物定价还好啦，普通食餐晏应该$7X搞得掂。顶级安格斯牛肉船面($88)，船面可以自选汤底、面底同𩠌料🍜。𩠌料有平有贵，$188嘅款式包括鲍鱼、龙虾以及和牛，而我拣嘅安格斯牛都OK🐮。牛肉以外仲有Q弹鱼蛋同大量脆脆猪皮。船汤应该系猪血猪骨汤，味道比出面食到嘅冇咁浓烈，药材味较轻。面底我拣咗薯粉，面条偏幼身，口感烟韧，挂汤力强。泰式海南鸡饭($68)，🐔海南鸡同油饭份量同样多，鸡肉系我最钟意嘅鸡胸部份，肉身白𠽌𠽌，肉质嫩滑。酱汁只得辣酱，味道酸酸辣辣，几惹味。🍚油饭只色好黄，但就唔算好香。泰式小食拼盘($68)，呢个拼盘好正，因为当中嘅三款小食都好吸引😍，无任何一款系下栏嘢。泰式炸
去完书展出返铜锣湾都成九点，我哋嗱嗱临揾嘢食，好彩兰芳道有餐厅仲未截单，佢就系「泰浓面」。餐厅门面几光鲜，入口位仲放咗架笃笃添🛺！店员好友善，有礼貌，无嫌我哋阻收工。
时间都唔早，餐厅剩返唔系好多枱客，我哋获安排坐喺卡位，座位非常阔落，再加上冷气充足，整体环境令人舒服👍️。店内嘅装修亦有花上心思，地砖花纹好靓，墙壁就挂满食物相片。
呢度主打泰菜🇹🇭，但集中卖汤面、饭同小食，如果想食炒金边粉或串烧等菜式，就要稍移玉步。食物定价还好啦，普通食餐晏应该$7X搞得掂。
顶级安格斯牛肉船面
$88
19 浏览
0 赞好
0 留言
顶级安格斯牛肉船面($88)，船面可以自选汤底、面底同𩠌料🍜。𩠌料有平有贵，$188嘅款式包括鲍鱼、龙虾以及和牛，而我拣嘅安格斯牛都OK🐮。牛肉以外仲有Q弹鱼蛋同大量脆脆猪皮。船汤应该系猪血猪骨汤，味道比出面食到嘅冇咁浓烈，药材味较轻。面底我拣咗薯粉，面条偏幼身，口感烟韧，挂汤力强。
泰式海南鸡饭($68)，🐔海南鸡同油饭份量同样多，鸡肉系我最钟意嘅鸡胸部份，肉身白𠽌𠽌，肉质嫩滑。酱汁只得辣酱，味道酸酸辣辣，几惹味。🍚油饭只色好黄，但就唔算好香。
泰式小食拼盘
$68
2 浏览
0 赞好
0 留言
烚唐生菜配秘制腐乳酱($28)，虽然我心谂点解唔系用通菜💚，但用上唐生菜都OK，而且份量超多。腐乳酱味道适中，唔会过重口味。
泰式原个新鲜椰青($48)，椰青无乜好讲，因为都系入货，而收呢个价钱，度度亦都差唔多。不过值得一提系佢好大个🥥，椰水满泻。
泰式香茅班兰梳打特饮($28)，梳打就比较一般，因为我净系饮到香茅味，班兰味被盖过了🌱，我觉得唔够甜。
总括嚟讲，呢顿赶及尾班车嘅泰式晚餐都唔错，佢卖嘅菜式唔多，主力做好泰饭泰面。本身想食埋甜品，但可惜时间已经太晏，下次有机会再食过☺️。
张贴
