Greyhound Café (國際金融中心) (已結業)

嚟开IFC睇戏正好去试一试泰国过江龙Greyhound。 主要嚟试个冻柠檬茶，因为听闻d冰都系用茶整架㖞。用青柠取代柠檬果然够哂清新醒神。至于d冰系红茶味定柠茶味，我真系试唔出，反正overall饮落感觉良好。如果d冰系其他味会仲吸引，例如整香芧味冰粒吖！(发梦)嚟得IFC都预咗贵，一客薄切三文鱼配泰式辣汁盛惠$108，辣酱加蒜片味道够浓,劲开胃，不过一碟得七片，略嫌到喉唔到肺，一个人食好似多咗d, 两个人食就太少。 相反，炸单骨鸡翼唔洗70蚊，但分量十足。或者系因为将鸡翼一开二，所以令人有劲大碟嘅错觉。话说鸡翼得返一条骨又几方便架㖞，一来唔惊鸡翼中间炸唔熟，二来食得超有仪态的~~叫阿妈抄桥先得，完全推介！其实泰国菜嚟讲的确贵咗少少，但系都几好坐,不失为食tea好地方。