滴水坊

营业中

休息中

每日出外食午餐都好难选择, 唔系食肉就系食肉, 有时候都已经有点开始厌....于是同事就介绍左一间食素食既餐厅,而且都几近我地既公司, 毫不犹豫就决定去啦!!!!呢到既环境都唔错, 大大既落地玻璃令出面既阳光透入, 更加令人好温暖同舒服....佢呢到既餐牌选择唔系好多, 但系佢呢到有个特色, 就可以拣多饭定少饭, 咁样就唔会食得浪费。谂左一阵, 最后我就拣左肉燥饭拼虾卷。一上枱, 觉得好似屋企既家常饭菜, 个青红罗白汤好清甜, 而且一点味精既味道都冇...青红罗白既味道好香浓, 冇用到肉去煲既老火汤都可以做到比平时饮汤既味道, 值得一赞。呢到既米饭系用珍珠米, 香浓再加埋肉燥肉味浓郁既味道真系好好味...搅搅下碗肉燥, 原来系用菇类去煮令到个质感好似食紧肉咁, 好有咬口。佢碗肉燥既份量都几多, 令我食得好滋味, 再加埋佢既环境令人用餐好休闲宁静,身心完全放松, 唔似去其他餐厅咁食饭都难以放低工作紧张既心情。最后就食埋个小食, 见佢炸得岩岩好, 金黄食既外皮好香脆, 里面既馅料食落都几惹味,令我以为自己真系食紧虾卷。食完好满足, 睇黎我又有一个好既饭脚点。