樸生•素食 (已結業)

今日喺青衣收工, 就同个同事喺附近揾下有咩食。话说最近听人讲一星期食一日素食会健康D, 而青衣城又真系有间素食餐厅, 所以我地就去左试下喇～入到去, 原来系半自助形式, 我地分别各自点了照烧芝士茄子同芝士白灵菇锅饭。两个既份量都唔细! 我地SHARE一齐食, 所以两个主菜都有得试下! 个茄子有D食落似烧芝士喺上面, 好香!味道方面, 因为有素芝士调味, 唔会话好啖, 但亦唔会好似平时串烧铺既咁, 唔会得个「咸」字。而另一个芝士白灵菇锅饭, 其实似出面既石头饭, 而个饭原来仲有埋D豆腐仔, 而成个饭最出色就系有豆腐! 原来净系得素芝士加豆腐已经可以整得好好味!至于出面既自助吧有超多选择, 可以比客人拣打边炉添! 不过我地胃口唔大, 最后就净系砌左沙律吧, 有黎麦, 正!同事到最后仲「笔」左碗豆腐花!估唔到素食都可以咁多花臣, 睇黎之后可以唔止一星期一次GREEN DAY喇!